Mahila Samman Bachat Patra Yojana 2023 kya hai? –Benefits, Byaaj Dar, Niyam, Aur application process
Hamare desh ki kendriya vitt mantri Nirmala Sitharaman dwara Sansad mein 1 February 2023 ko Kendriya Budget 2023-24 pesh karte huye mahilaon ke liye ek tohfa prastut kiya hai jiska naam hai ‘Mahila Samman Bachat Patra Yojana’.
Agar koi mahila apna paisa nivesh karna chahti hai, to vah Mahila Samman Bachat Patra Yojana mein madhyam se apna paisa nivesh kar sakti hai. Is yojana ke madhyam se desh ki mahila/ladki apna paisa nivesh kar bhavishya mein achha-khasa byaaj prapt kar sakti hai.
Agar aap bhi ek mahila hai aur paisa nivesh karne ka soch rahi hai, to usse pehle aapko ‘Mahila Samman Bachat Patra Yojana’ ke bare mein jaanna avashyak hai. Mahila Samman Bachat Patra Yojana 2023 kya hai, uske liye hamare article ko dhyanpurvak padhe.
Mahila Samman Bachat Patra Yojana 2023
Des ki mahilaon ko bachat ka mauka dene ke liye sarkar ne 1 February 2023 ko Kendriya Vitt Mantri Nirmala Sitaraman dwara is saal ka budget pesh karne ke dauran Mahila Samman Bachat Patra Yojana ko shuru karne ki ghoshna ki hai, is yojana ke antargat mahila 2 lakh tak nivesh kar sakti hai.
Nivesh karne ke baad aapko apni jama rashi par sarkar ke dwara 7.5% ke hisab se byaaj milega. Is yojana mein aapka paisa 2 saal tak jama rahega aur 2 saal ke baad aap apna paisa byaaj sahit le sakte hain.
3 April 2023 se Mahila Samman Bachat Patra Yojana ke account khulne shuru ho gaye hain, ye yojana bahut khaas hai, kyun ki is yojana mein paisa jama karne par, aapko anya sarkari bank ya post office ki FD se jyada byaaj prapt hoga.
Is yojana ki suvidha abhi post office mein uplabdh hai, Mahila Samman Bachat Patra Yojana mein aavedan karne hetu sambandhit jankari lene ke liye apne paas ke post office se sampark karte rahiye.
Mahila Samman Bachat Patra Yojana 2023
1 February 2023 ko Kendriya Vitt Mantri Nirmala Sitaraman ke dwara yojana ki ghoshna ki gayi hai. Abhi is yojana ko aarambh nahi liya gaya hai, abhi is yojana par kary chal raha hai. Jaise hi is yojana ka aarambh hoga, uska labh desh ki har mahila aur ladki ko pradan kiya jayega.
Is yojana ke antargat khata khulwane ke liye abhi thoda aur intezaar karna hoga. Jaise hi yojana shuru hogi, aapko hamare article ke madhyam se nayi update mil jayegi.
Mahila Samman Bachat Patra Yojana Benefit (Phayde)
- Bharat sarkar ne Mahila Samman Bachat Patra Yojana ka labh keval desh ki mahila/ladki hi is yojana ka labh le sakte hain.
- 2 saal tak koi bhi mahila is yojana ke andar 2 lakh tak hi nivesh kar sakti hai, ye yojana 2025 tak chalegi, usse pehle yaani 31 March 2025 se pehle aap is yojana ke andar apna account khulwa dijiye.
- Desh ki koi bhi mahila agar chahe to apna paisa ek saath, yaani 2 lakh rupees ek saath nivesh kar sakti hai.
- Ye yojana anya sarkari yojanaon se alag hai, kyun ki is yojana ke antargat aur yojanaon ke mukable adhik byaaj milega.
- Adhik byaaj milne se mahila apna rozgar khol sakti hai, aur isse vah atmanirbhar banegi. Samaj ke har karyakram mein apna pura yogdan denge.
- Mahila Samman Bachat Patra Yojana ke tahat 2 saal pure hone par uske nivesh ka paisa aur byaaj ek saath milega.
- Yadi mahila samay pure hone se pehle apna paisa nikalna chahti hai to sarkar ke kuch maapdandon ke tahat paisa vapas le sakti hai.
- Is yojana ke madhyam se mahila ko diya jane wala byaaj dar saalana ke hisab se 7.5% byaaj hoga.
- Mahila Samman Bachat Patra Yojana ke antargat khata khulwane ke liye mahila ki umr nirdharit nahi ki gayi hai, yaani kisi bhi umr ki ladki is yojana ka labh le sakti hai.
- Is yojana ke antargat khata kholne ke liye aapko kam-se-kam 1000 rupees se khata kholna anivarya hai.
Mahila apne bachat kiye paise ka upayog gharelu business idea mein laga kar apni aay ko aur adhik bada sakti hai. Aise karne se nivesh kiye paise ka sadupayog bhi ho jayega aur ghar ke kaam ke sath-sath chhota rozgar bhi jari rahega.
Mahila Samman Bachat Patra Yojana Mein Aavedan Karne Hetu Patrata
- Is yojana ka labh sirf desh ki mahila/ladki hi le sakte hai. Anya nahi.
- Mahila Samman Bachat Patra Yojana ke tahat apna account khulwane ke liye mahila ka Bharatiya nagrik hona jaruri hai.
- Is yojana ka labh lene ke liye mahila ki umr nirdharit nahi ki gayi hai, kisi bhi umr ki mahila is yojana ke tahat apna account khol sakti hai.
- Desh ki kisi bhi dharm, jati aur varg ki mahila is yojana ka bharpur labh le sakti hai.
- Mahila parivar ki aay 7 lakh se adhik nahi honi chahiye.
- Yojana mein aavedan karne ke liye zaruri dastavez
Is Yojana Ka Labh Lene Ke Liye Aapke Paas Nimnlikhit Dastavez Ka Hona Anivarya Hai
Tabhi aap is yojana mein aavedan karne ke patra sakte hain, aaiye jaante hain zaruri dastavez –
- Mahila ka Aadhar card
- Pahchan patra
- PAN card
- Passport size photo
- Mobile number
- Nivaas praman patra
- Jati praman patra
- Rashan card
Mahila Samman Bachat Patra Yojana Ka Uddeshya
- Is yojana ka mukhya uddeshya hai, mahila aur balika ka kalyan karna.
- Hamare desh ki mahilaon ke andar bahut saari kala bhari hui hai. Toh vah mahilaayein is yojana ke madhyam se apna paisa nivesh kar bhavishya ke liye accha paisa saving kar sakti hai.
- Mahila ko protsaahan dene ke liye sarkar ne is yojana ke antargat saalana byaaj dar 7.5% rakha hai jo anya yojanaon se kaafi adhik hai.
- Is yojana ke tahat apna account khulwakar 2 saal tak apna paisa nivesh kar sakti hai.
- Is yojana mein dhokhadhadi ka khatra bhi nahi hai, kyun ki is yojana ka poora sancharan sarkar dwara kiya jayega.
- Is yojana ke antargat nivesh karne ki dar 2 lakh hai, agar mahila ko samay se pehle paisa ko zaroorat padh gayi to vah apna paisa kisi bhi waqt le sakti hai.
- Agar vah 2 saal ke baad paisa nikalti hai, to uska paisa aur byaaj dono ek saath diye jayenge. Aisa karne se mahila ki arthik sthiti acchi hogi. Aur uska sudrudh vikas hoga.
Yojana Se Jude Kuchh Mukhya Tathya –
- Jaise ki humne aapko bata diya hai ki is yojana ke antargat mahila ko 7.5% saalana byaaj prapt hoga. Uske hisab se 2 saal mein 2 lakh rupees jama karne par 2 lakh 15 hajaar 998 rupees byaaj sahit vaapis milenge.
- Agar aap 1 lakh rupees jama karte hain to us hisab se 1 lakh 7 hajaar 999 rupee vaapis milenge.
- Bharat desh ki koi bhi mahila is yojana ke antargat apna khata khulwa sakti hai, videshi mahila ko is yojana mein account khulwane ki anumati nahi hai.
- Yadi koi balika 18 saal se kam umr ki hai aur voh apne naam ka account khulwana chahti hai to uske account mein uske abhibhavak ka naam bhi shaamil hoga.
- Mahila ki is yojana ke madhyam se saving karne ka bahut accha mauka hai. Aur voh apni zarurat ke hisab se pehle apna paisa nikal sakti hai.
- Mahila Samman Bachat Patra Yojana ke tahat account khulwane ki suvidha abhi sirf post office mein upalabdh hai.
Mahila Samman Bachat Patra Yojana (FAQs)
1. Mahila Samman Bachat Patra Yojana Kya Hai?
Desh ki mahilaon ko samman aur protsaahan dene ke liye hamare desh ki kendriya vitt mantri Nirmala Sitaraman ke dwara is yojana ko aarambh kiya gaya hai. Desh ki mahila aur balikaon ko is yojana ke madhyam se 2 saal tak apna paisa is yojana mein nivesh karne ka avsar milta hai.
2. Mahila Samman Bachat Patra Yojana Ka Aarambh Kab Hua Aur Yojana Ka Antim Varsh Kya Hai?
Mahila Samman Bachat Patra Yojana ka aarambh sansad mein 1 February 2023 ko hua aur is yojana ka antim varsh 2025 hai.
3. Mahila Samman Bachat Patra Yojana Ke Liye Aavedan Kaise Karen?
Is yojana mein aavedan karne ke liye abhi hum sabko thodi pratiksha karni padegi. Kyunki sarkar dwara abhi is yojana ko aarambh kiya gaya hai, chalu nahi kiya gaya hai, abhi is yojana par kary chal raha hai. Jaise hi kuchh update aayegi, aap logo ko suchit kiya jayega.
4. Mahila Samman Bachat Patra Yojana Ke Tahat Mahila Ko Kitna Byaaj Prapt Hoga?
Is yojana ke tahat mahila ko saalana byaaj dar 7.5% byaaj prapt hoga.
